Dukhon Kay Shehr Mein Kabhi Raahat Nahi Milti
Kabhi Saathi Nahi Milte Kabhi Chahat Nahi Milti
Kisi Kay Paas Khud Chal Kay Aayen Manzilein
Hamein Manzil Pe Ja Kar Bhi Manzil Nahi Milti
Wo Duniya Kay Bakhairon Mein Is Qadar Gum Ho Gaya Hai Kay
Usay Mujhe Yaad Karne Ki Fursat Nahi Milti
אคเ
Is Dharti Kay Sheesh Naag Ka Dank Bara Zehrila Hai
Sadiyan Guzrin Aasmaan Ka Rang Abhi Tak Neela Hai
Mein Hun Apne Pyar Par Qayam.. Apni Rasmein Woh Janay
Aur Hai Zaat Haseeno Ki.. Aur Apna Aur Qabila Hai
Mere Uske Hont Hilen To Khilen Hzaaron Phool Magar
Kuch To Mein Chup Rehta Hun.. Kuch Yaar Mera Sharmila Hai
Aansu Tapkay Hongay In Par Harf Jabhi To Phail Gaye
Roya Hai Khat Likhne Wala.. Jabhi To Kaghaz Geela Hai
Maine Kaha Do Ajnaiyon Kay Dil Kaise Mil Jatay Hain
Pyar Se Boli Ek Dewi.. Ye Bhagwaan Ki Leela Hai
Yunhi To Nahi Kehta Rehta Nazmein Ghazalein Geet Qateel
Ye To Kisi Ki Mehfil Tak.. Janay Ka Ek Waseela Hai
אคเ
Aankhon Se Meri Is Liye Laali Nahi Jati
Yaadon Se Koi Raat Jo Khaali Nahi Jati
Ab Umr Na Mausam Na Wo Raastay K Wo Paltain
Is Dil Ki Magar Hum Khayali Nahi Jati
Maangay Tu Agar Jaan Bhi Hans K Tujhe De Dain
Teri To Koi Baat Bhi Taali Nahi Jati
Aaye Koi Aa Kar Ye Tere Dard Sambhalay
Humse To Ye Jageer Sambhali Nahi Jati
Maloom Hamein Bhi Hain Boht Se Tere Qissay
Par Baat Teri Humse Uchaali Nahi Jati
Humrah Tere Phool Khilati Thi Jo Dil Mein
Ab Shaam Wohi Dard Se Khaali Nahi Jati
Hum Jaan Se Jayenge Tabhi Baat Banay Gi
Tumse To Koi Rah Nikaali Nahi Jati
אคเ
Is Eid Pe Laut Kay Aa Jana
Kuch Yaadein Taaza Karni Hain
Kuch Lamhay Mor Kay Lanay Hain
Kuch Taaray Tor Kay Lanay Hain
Wo Masti Aur Wo Madhoshi
Wo Bachpan Mor Kay Laana Hai
Is Eid Pe Laut Kay Aa Jana
Ab Dil Ko Dil Ki Dharkan Se
Phir Eid Mubarak Kehna Hai
Ab Saath Bohat Din Rehna Hai
Is Eid Pe Laut Kay Aa Jana
אคเ
Tera Haath Hum Ne Thaama Tha
Ek Nayi Duniya Basanay K Liye
Apni Gumnaam Zindagi Mein
Ujala Laanay K Liye
Par Tu Yun Chor Gaya Hamein Kay
Hum Tarastay Hain Rah-e-Zindagi Mein
Gham-e-Yaar K Liye
Phir Tere Baad Bhi Koi Na Aaya
Hamari Ujri Hui Duniya Mein
Aur Log Humse Aaj Bhi Poochtay Hain
Kahan Gaya Wo Jiska Haath Thaama Tha
Tum Ne Ek Nayi Duniya Basanay K Liye
Aur Hum Bas Itna Kehte Hain Duniya Walon Se K
Khuda Ne Likha Hi Nahi Usko Meri Qismat Mein
Warna Khoya To Bohat Kuch Tha Usko Paanay K Liye !!!
אคเ
Apno Ki Inayat Hai K Ilzaam Mein Gum Hun
Har Waqt Ye Lagta Hai Tere Naam Mein Gum Hun
Manhoos Si Lagti Hain Tere Shehr Ki Galiyan
Mein Teri Mohabbat K Dar-o-Baam Mein Gum Hun
Milta Hi Nahi Waqt Tujhe Yaad Karun Mein
Is Shehr-e-Mohabbat Mein Kisi Kaam Mein Gum Hun
Mumkin Ho Agar Meri Taraf Laut K Aao
Mein Ab Bhi DECEMBER Ki Kisi Shaam Mein Gum Hun
אคเ
ღ~♥●♥════════◄►═════════♥●♥~ღ
Gardishon K Hain Maray Huay Na
Dushmano K Sataye Huay Hain
Jitne Bhi Zakham Hain Mere Dil Per
Doston Ke Lagaye Huay Hain
Ishq Ko Rog Maar Dete Hain
Aqal Ko Sog Maar Dete Hain
Aadmi Khud-ba-Khud Nahi Marta
Doosre Log Maar Dete Hain
Log Kaanton Se Bach K Chalte Hain
Humne Phoolon Se Zakhm Khaye Hain
Tum To Gairon Ki Baat Karte Ho
Hum Ne Apne Bhi Aazmaye Hain
Kasaaye-e-Deed Le K Duniya Mein
Maine Deedaar Ki Gadayi Ki
Mere Jitne Bhi Yaar Thay Sab Ne
Hasb-e-Taufeeq Be-Wafai Ki
(Jitne Bhi Zakham Hain Mere Dil Per
Doston Ke Lagaye Huay Hain)
(O Jab Se Dekha Tere Qad-o-Kamat)
Tumhe Dekha To Zahid Ne Kaha
Emaan Hi Ye Hai K Ab Insaan Ko
Sajda Rawa Hone Ka Waqt Aaya
(Jab Se Dekha Tere Qad-o-Kamat)
Ae Mast-e-Naz Dekhne Walon K Dil To Dekh
Paamaal Ho Gaye Teri Raftaar Dekh Kar
(Jab Se Dekha Tere Qad-o-Kamat)
Giraya Hath Se Sheesha Surahee Tor Di Maine
(Jab Se Dekha Tere Qad-o-Kamat)
Sharaab Seekh Pe Daali Kabaab Sheeshay Mein
(Jab Se Dekha Tere Qad-o-Kamat)
In Ankhon Se Qayamat Ki Nishani Kaun Dekhe Ga
But-e-Kaafir Teri Uth'ti Jawani Kaun Dekhe Ga
(Jab Se Dekha Tere Qad-o-Kamat)
Jab Se Dekha Tere Qad-o-Kamat
Dil Pe Tuti Hui Hai Qayamat
Har Bala Se Rahe To Salamat
Din Jawani Ke Aaye Huay Hain
(Aur De Mujhko De Aur Saaqi)
Qareeb Aur Bhi Aao K Shauq-e-Deen Mittay
Sharaab Aur Pilao K Kuch Nasha Utray
(Aur De Mujhko De Aur Saaqi)
Apne Dil-e-Sil Chak Ko See Sakta Hun
Mehroom-e-Karam Ho K Bhi Jee Sakata Hun
Mauqoof Nahi Jaam Pe Rindi Meri
Saaqi Tere Ghussay Ko Bhi Pee Sakta Hun
(Aur De Mujhko De Aur Saaqi)
Aur De Mujhko De Aur Saaqi
Hosh Rehta Hai Thora Sa Baaqi
Aaj Talkhi Bhi Hai Inteha Ki
Aaj Wo Bhi Paraye Huay Hain
Kal Thay Aabaad Pehlu Main Mere
Ab Hain Ghairon Ki Mehfil Main Daire
Meri Mehfil Main Kar K Andhere
Apni Mehfil Sajaye Huay Hain
Apne Hathon Se Khanjar Chala Kar
Kitna Masum Chehra Bana Kar
Apne Kaandhon Pe Ab Mere Qatil
Meri Mayat Uthaye Huay Hain
Mahwashon Ko Wafa Se Kya Matlab
In But'ton Ko Khuda Se Kya Matlab
Inki Masoom Nazron Ne Nasir
Log Pagal Banaye Huay Hain
Gardishon K Hain Maray Huay Na
Dushmano K Sataye Huay Hain
Jitne Bhi Zakham Hain Mere Dil Per
Doston Ke Lagaye Huay Hain
ღ~♥●♥════════◄►═════════♥●♥~ღ
ครเŦ אคเ
Ab Kya Sochay Kya Hona Hai Jo Hoga Acha Hoga
Pehle Socha Hota Pagal Ab Rone Say Kya Hoga
Yaar Se Gham Keh Ker To Khush Ho Lekin Tum Yeh Kya Jaano
Tum Dil Ka Rona Rote Thay Woh Dil Mein Hasta Hoga
Aaj Kisi Nahi Dil Tora To Hum Ko Jaisay Dheyaan Aaya
Jiska Dil Hum Nai Tora Tha Woh Jaane Kaisa Hoga
Mere Kuch Pal Mujh Ko Day Do Baaqi Saray Din Logo
Tum Jaisa Jaisa Kehtay Ho Sub Waisa Waisa Hoga
Ab Kya Sooche Kya Hona Hai Jo Hoga Acha Hoga
Pehle Socha Hota Pagal Ab Rone Say Kya Hoga
ครเŦ אคเ
Dil-o-Jan Se Utar Jana Kahan Aasaan Hota Hai
Mohabbat Se Mukar Jana Kahan Aasaan Hota Hai
Aaj K Zamanay Mein Kisi Ek Shaks Ki Khatir
Tut Kar Bikhar Jana Kahan Aasaan Hota Hai
Chalo Maana K Jeewan Bhi Saza Se Kam Nahi Hoti
Magar Chahat Mein Mar Jana Kahan Aasaan Hota Hai
Mohabbat K Fasaano Mein Bohat Se Mor Aatay Hain
Par Hadh Se Guzr Jana Kahan Aasaan Hota Hai
Suno Jan-e-Jana Pehle To Sadiyon Baad Milna Aur
Phir Mil K Bichar Jana Kahan Aasaan Hota Hai...!!!
ครเŦ אคเ
Dil K Kuch Armaano K Beech
Kuch Sapno Ko Sota Paaya Maine
Kuch Manzil Mujhe Aisi Mili Ke
Aaj Phir Khud Ko Akela Paaya Maine
Kuch Waado Aur Kasamo Ke Beech
Kayi Naato Ko Toota Hua Paaya Maine
Kuch Jhoote Waado Ka Sila Hai Yeh Ke
Aaj Phir Khud Ko Akela Paaya Maine
Zindagi K Shor-o-Gul K Beech
Kuch Viraano Ko Paaya Maine
Khamosh Pal Aur Anjaane Shakhs Hi Mile K
Aaj Phir Khudko Akela Paaya Maine
Duniya Main Apno Ke Beech
Khud Ko Paraya Paaya Maine
Dost Zindagi Main Kuch Aise Mile K
Aaj Phir Khud Ko Akela Paaya Maine
ครเŦ אคเ
RSS Feed
