Khizan Raseeda Chaman Mein Bahaar Mushkil Hai
Tumhare Baad Kahin... Aitebaar Mushkil Hai
Kisi Se... Is Liye Dushwaar Hai Khafa Hona
Mananay Aayega Humko Bhi Yaar Mushkil Hai
Ajeeb Raaz-e-Junoon Tha Jo Mere Dil Pe Khula
Teri Gali Mein Bhi Aa Kar Qaraar Mushkil Hai
Hamara Kaun Hai ??? Ehl-e-Jafa Ki Basti Mein
Milay Ga Koi Hamein Gham Gusaar Mushkil Hai
Kahan Chalay Ho Mohabbat Khareednay ???
Baghair Sood Kay Milna Udhaar Mushkil Hai
xai
Shikwa-e-Ishq Nahi Jurrat-e-Guftaar Nahi
Mere Haathon Mein Koi Jabr Ki Talwaar Nahi
Ibn-e-Adam Hoon Insaan Se Mohabbat Ki Hai
Aag Ka, Chaand Ka, Pathar Ka Parastaar Nahi
Ae Khuda
Mujhko Ibadat Kay Ewaz Meri Mohabbat De De
Mein Teri Kisi Jannat Ka Khareedaar Nahi
Jis Ne Insaan Se Mohabbat Hi Na Ki Ho Iqbal
Dar Haqeeqat Wo Khuda Ka Bhi Talabgaar Nahi
xai
Dabi Dabi Si Wo Muskurahat Labon Pe Apne Saja Saja K
Wo Narm Lehjay Main Baat Karna Ada Se Nazrein Jhuka Jhuka K
Wo Aankh Teri Shararti Si Wo Zulf Maathay Pe Naachti Si
Nazr Hatay Na Ek Pal Bhi Main Thak Gaya Hun Hata Hata K
Wo Tere Haathon Ki Ungliyon Ko Mila K Zulfon Mein Kho Sa Jana
Haya Ko Chehre Pe Phir Sajana Phool Chehra Khila Khila K
Wo Hath Hooron K Gar Hon Jese Wo Paaon Pariyon K Par Hon Jese
Nahi Hai Teri Misaal Jaana Main Thak Gaya Hun Bata Bata K..
xai
Karri Dhoop Mein Jaltay Huay Paon Ki Tarha
Wo Kisi Aur Kay Aangan Mein Hai Chaon Ki Tarha
Wo To Waqif Hai Mere Jazbon Ki Sachai Se
Phir Kyun Khamosh Hai Pathar Kay Khudaon Ki Tarha
Mein To Khushbu Ki Tarha Saath Raha Honga Uske
Wo Bhatakta Raha Be-Chain Hawaon Ki Tarha
Jo Barbaad Huay Thay Wohi Bad-Naam Huay
Wo To Masoom Raha Apni Adaaon Ki Tarha
Gham To Hai Kay Hamein Koi Khushi Raas Na Aayi
Zindagi Kaat Rahe Hain Hum Sazaaon Ki Tarha
xai
Mausam-e-Qurb-e-Intezaar Bhi Jhoot
Dil Na Manay To Wasl-e-Yar Bhi Jhoot
Maut Teri Talab Bhi Lagzish-e-Lab
Zindagi Tera Aitebaar Bhi Jhoot
Wusat-e-Daastaan-e-Shauq Ghalat
Koshish-e-Hurf-e-Ikhtesaar Bhi Jhoot
Sirf Uska Safar Hi Sach 'Mohsin'
Meri Rah Bhi Mera Ghubaar Bhi Jhoot
xai
Seenay Se Lagatay Thay Jo Mujhe Haar Bana Kar
Chor Gaye Mujhko Wo Gunah-Gaar Bana Kar
Hasb-e-Taufeeq Sab Ne Loota Hai Mujh Ko
Apno Ne Bhi Loota Hai Mujhe Yaar Bana Kar
Log Kehte Thay Kay Pyar Mein Sirf Ruswai Hai
Aakhir Wo Bhi Chor Gaya Apna Talabgaar Bana Kar
Ab To Har Taraf Se Log Hamein Loot Rahe Hain
Koi Jaan... Koi Yaar... To Koi Pyar Bana Kar...!!!
xai
Na-Kaam Zindagi Pe Pashemani Boht Hai
Ab Tak Zinda Hun Hairani Bohat Hai
Mera Chehra Pyar K Qabil Nahi Magar
Meri Roh Pyar Ki Deewani Bohat Hai
Tu Juda Ho Kar Bhi Mujhse Juda Nahi Hua
Teri Yaadon Ki Mujh Par Mehrbani Bohat Hai
Aao Sehraon Aao! Agar Tumhen Paani Chahiye
Meri Aankhon Mein Hijar Ka Paani Bohat Hai
Ab Mujhko Jeene Ki Tamanna Nahi Mohsin
Guzri Jo Tere Sang Wo Jawani Bohat Hai
אคเ
Kal Shaam Tere Ghar Qyaam Kis Ka Tha
Na Tha Koi Musafir To Ehtemaan Kis Ka Tha
Likh Likh K Choomta Raha Jisko Raat Bhar
Hamein Bhi Batao Wo Naam Kis Ka Tha
Jisko Sunn Kar Ro Paray Ehl-e-Mehfil
Itna Bheegta Hua Anjaam Kis Ka Tha
Hamein Pee K Hosh Na Raha Saaqi
Wo Haath Kis Ka Tha Wo Jaam Kis Ka Tha
אคเ
Kya Yehi Pyar Hota Hai?
Shuru Aankhon Se Hota Hai
Phir Dil Tak Ja Pohanchta Hai
Aur Phir Ek Lamhe Mein
Aankhon Mein Intezaar Hota Hai
Kya Yehi Pyar Hota Hai?
Phir Baat Milan Tak Pohanchti Hai
Kuch Dil Ki Baatein Hoti Hain
Dono Ki Qasmein Hoti Hain
Dil-o-Jaan Nisaar Hoti Hai
Kya Yehi Pyar Hota Hai?
Phir Ek Be-Wafai Karta Hai
Ek Be-Qaraar Hota Hai
Uski Bheegi AANKHON Mein
Hamesha Yehi Sawal Hota Hai
Kya Yehi Pyar Hota Hai?
אคเ