Karri Dhoop Mein Jaltay Huay Paon Ki Tarha

Karri Dhoop Mein Jaltay Huay Paon Ki Tarha
Wo Kisi Aur Kay Aangan Mein Hai Chaon Ki Tarha

Wo To Waqif Hai Mere Jazbon Ki Sachai Se
Phir Kyun Khamosh Hai Pathar Kay Khudaon Ki Tarha

Mein To Khushbu Ki Tarha Saath Raha Honga Uske
Wo Bhatakta Raha Be-Chain Hawaon Ki Tarha

Jo Barbaad Huay Thay Wohi Bad-Naam Huay
Wo To Masoom Raha Apni Adaaon Ki Tarha

Gham To Hai Kay Hamein Koi Khushi Raas Na Aayi
Zindagi Kaat Rahe Hain Hum Sazaaon Ki Tarha

xai