Kuch Is Tarha Guzarti Ab Hamari Har Shaam Hai

Kuch Is Tarha Guzarti Ab, Hamari Har Shaam Hai,
Ek Haath Tasveer Unki To, Ek Haath Jaam Hai!

Bekaar Hai Yaad Dilana, K Shaye Ye Haraam Hai,
Sab Kuch Bhool Jaate Hain, Jab Koi Leta Unka Naam Hai!

Hum To Yehi Kahenge, Mai Be-Wajah Badnaam Hai,
Dard-e-Dil Se Humko To, Pohanchati Ye Aaraam Hai!

Tabaah Karti Hai Sharaab, Ghalat Is Par Ilzaam Hai,
Madadgaar Ka Badnaam Hona To, Qudrat Ka Nizaam Hai!

Hum Ghamkhaaron Ka Mai Ko, Tah-e-Dil Se Salaam Hai,
Bina Iske To Khuda Jaane, Kya Hamara Anjaam Hai!