Daddy Internet Laga Dein

Daddy Internet Laga Dein

Dil Ka Connection Mila Dein
Daddy Internet Laga Dein
Mujhe Aaya Mail Doston Ka
Kab Lagay Ga Itna Bata Dein

Homework Pora Hota Nahi
Raat Ko Mein Sota Nahi
Jab Mood Ho Parhai Ka
Homework Koi Hota Nahi

Net Bhi Hai Kamaal Cheez
Bas Aati Ho Agar Chalani Keys
Waisay To Bohot Hai Kaam Is K
Par Chatting Pe Lagti Nahi Fees

Aap Kehte Hain Mein Shor Machaon Ga
Try Karo Mein Naraz Na Kar Paon Ga
Mein God Promise Karta Hun
Net Aap Ke Sonay Ke Baad Lagaon Ga

Saheli Nahi Meri Haan Dost Hi Hotay Hain
Wo Saaray Ke Saaray School Mein Hi Sotay Hain
Raat To Guzarti Hai Net Par Typing Kartay
Subha Bhi Chat Room Mein Hi Hotay Hain

Ladkiyan Bhi Kamaal Hoti Hain
Ghar Pe Apni Misaal Hoti Hain
Saara Kaam Khatam Kar K
Das Bajay Saday Naal Hoti Hain

Ab To Mujhe Internet Laga Dein
Meri Bhi Mauj Kara Dein
Mein Bhi Dhondta Hun Cyber Bahu
Daddy Internet Laga Dein