Chashm-e-Saaqi Ne Ye Kya Khel Racha Rakha Hai?
Koi Zahid Koi Mai Khuwaar Bana Rakha Hai

Jo Phansa Phir Na Kabhi Us Ne Rehai Maangi
Teri Zulfon Ne Ajab Jaal Bichha Rakha Hai

Husn Ho Ishq Ho, Dono Ka Asar Yaqsaan Hai
Cheez Hai Ek Magar Naam Juda Rakha Hai

Choom Leti Hai Latak Kar Kabhi Chehra Kabhi Lab
Tum Ne Zulfon Ko Bohat Sar Pe Charha Rakha Hai

Teri Makhmoor Nigahon Se Hai Ronak Saari
Warna Saaqi Tere Mai-Khanay Mein Kya Rakha Hai


    Author

    ครเŦ אคเ

    Sharabi Ghazals
    Archives

    April 2012
    March 2012

    Protected by Copyscape Web Plagiarism Detector