Yeh Tasalli Hai, K Hain Na-Shaad Sab,
Main Akela Hi Nahi, Barbaad Sab,
Sab Ki Khaatir Hain Yahan Ajnabi,
Aur Kehne Ko Hain Ghar Abaad Sab,
Bhool K Sab Ranjishen Sab Ek Hain,
Main Bataon Sab Ko, Hoga Yaad Sab,
Sab Ko Dua-E-Wafa Sab Ko Yaqeen,
Us Adakaari Mein Hain Ustaad Sab,
Sheher Ke Haakim Ka Yeh Farmaan Hai,
Qaid Meh Kehlayenge Azaad Sab,
Chaar Lafzon Mein Kaho Jo Bhi Kaho,
Usko Kab Fursat, Sunein Faryad Sab,
Talkhiyan Kaise Na Hon Ashaar Mein,
Hum Pe Jo Guzri, Humein Hai Yaad Sab...!!!
ครเŦ אคเ